تصدق وإلا ماتصدق

تصدق وإلا ماتصدق






تِصَدِّق والا ما تِصَدِّق .. أنا عَاجِزْ عَنْ التفكي





تعَالْ وشُوفْ في عينِكْ غِيابكْ وشْ عَمَلْ فيني


نقره لعرض الصورة في صفحة مستقلة
حبيبي ما بُقى عِندي صَبرْ .. يتْحَمَّـلْ التأخير

رَحَلتْ .. وعِقبكْ الدنيا غلاها طاح مِنْ عيني


نقره لعرض الصورة في صفحة مستقلة
أجَاوبْ اللِّي يسْألني عَنْ أخْبَاري وأقولْ بخير

وأنا لا خِير بغيابكْ .. ولا حَاجَه .. تهنيني


نقره لعرض الصورة في صفحة مستقلة
على طاريكْ كِلْ لحظه .. . ولا أحتاج للتذكير

حَريصْ القلب ما ينسَى عيونِكْ , لا توصيني




نقره لعرض الصورة في صفحة مستقلة
مَحَدْ يِقْدَر يعَوِّضْنِي لأنِّكْ .. في عيُوني غير

ومَهْمَا شِفتْ أنا الفرحَه .. بدونِكْ ما تسليني



نقره لعرض الصورة في صفحة مستقلة
أنا خِنتِكْ .. وهالغلطه حبيبـي ما لَهَا تبرير

علاقة حُبْ مَجْنُونَه .. ما بينْ أحزاني وبيني



نقره لعرض الصورة في صفحة مستقلة
وكيف الحَالْ وشلوني .. جَوابٍ ما يَبي تفسير

بدونِكْ إنتْ , ما تِضْحَكْ حَياتي وترْمِشْ سنيني


نقره لعرض الصورة في صفحة مستقلة
مِثلْ شَاعِرْ عِجَزْ يوصَفْ شعُوره وخانه التعبير

أنا ضايع .. ولا أدري مِنْ فراقِكْ .. أنا ويني


نقره لعرض الصورة في صفحة مستقلة
مِثلْ طيرٍ كِسَرْ بُعْدِكْ جَناحَه وما قِدَرتْ آطير

أحَاولْ أبْتِسِمْ وأنْسَى ولكنْ وشْ ينسيني..؟!


نقره لعرض الصورة في صفحة مستقلة
أشُوفِكْ في صباحي إنتْ مَعْنَى يا صباح الخير

وأشُوفِكْ في مَسَائي حِلْم وردي .. لا تصحيني


نقره لعرض الصورة في صفحة مستقلة
تِصَدِّق .. السَهَر يَرْسِمْ عيُوني ويتْقِنْ التصوير

ويشِقْ النُور في صفحة حياتي .. وما ألاقيني


نقره لعرض الصورة في صفحة مستقلة
أنامْ شلونْ ؟ ومشكلتي عِجزتْ ألقى لَهَا تدبير

طِلَبتْ النُومْ .. لحظاته و عيَّى النُوم , يعطيني


نقره لعرض الصورة في صفحة مستقلة
تغيَّر وجْهَي .. مِنْ أوَّل غيابكْ وإبْتِدَى التأثير

حبيبي .. مِنْ التَّعَبْ كافي خذيتْ اللِّي يكفيني


نقره لعرض الصورة في صفحة مستقلة
يا أغلى مِنْ رَحَل عنِّي يا كِلْ الحُبْ والتقدير

تعَالْ: إنْ كان لِي عِندِكْ مَعَزَّه وكان تغليني


نقره لعرض الصورة في صفحة مستقلة
تعَالْ: إنْ كِنتْ تعشقني وإذا فِعلاً تبي لي خير

تعَالْ: ومِدْ لِي .. كَفْ الوَصِلْ .. وآمِدْ كَفيني


نقره لعرض الصورة في صفحة مستقلة
إذا كانْ الجِفا واجِبْ بدى مِنْ قلبي التقصير

أبيكْ الحِينْ .. تِرجَعْ لِي ولا تِرجَعْ تخليني


نقره لعرض الصورة في صفحة مستقلة
أنا ما أقولْ اللِّي صَار فِيني , ما هقيته يصير

لأنِّي كِنتْ .. ( متأكد ) .. بأنْ البُعد ينهيني