يا رسول الشوق

يا رسول الشوق







يا رسول الشوق قلـي كـان عنـدك لـي دوى=
للذي هو تل قلبي ثـم ضحـى بـه فـي عيـد



الكل يوم العيد ضحى بالـي فـي قلبـه نـوى=
إلا أنا كنت الضحية في ضحى اليـوم السعيـد


رحت يم ديار خلي من عقـب طـول الجـوى=
وقلت أعيد في جواره والبـس الثـوب الجديـد


وسرت والشوق يحديني و الفؤاد الـي أكتـوى=
والهمـوم تلـف قلبـي بيـن تهديـد ووعـيـد


قلت أبنسى به جروحي والذي هو قـد مضـى=
من صروف الدهر الي من رحل قامـت تزيـد


مـن تفارقنـا وقلبـي مـن غرابيلـه التـوى=
وفي غيابه يا خويي جف بـي عـرق القصيـد


وأنطفى وهج الحروف وبدر ليلي الي ضـوى=
وصارت أيامي ظـلام وجـف دمـي بالوريـد


بين قلب(ن) ما عصاني وبين جفن (ن) ما قوى=
يمنـع دمـوع(ن) تساقـط ذوبـت خـدي الجليـد



صرت مدري وش جرا لي كل شي حولي هوى=
والهواجيـس أثقلتنـي تايـه بدربـي طـريـد


هـم وإحبـاط وأسيـة كلهـم جونـي سـوى=
غير مابي من جروح(ن) جورها فـل الحديـد


يارسول الشـوق قلبـي مـن تعاليلـه أنـزوى=
وأرتحل يشكي همومه ذاب في الركـن البعيـد


يا رسول الشوق تسمع صوت في الخارج عوى=
يعلن الفرقـا وينـدب حضـي المـر الزهيـد


أدري إني كنت مخطي يـوم طاوعـت الهـوى=
وأدري إن دمـوع عينـه اثرهـا فينـي شديـد


وأدري إني كنت جـارح وإن قلبـه مـا قـوى=
يحتمل كبر الخطيه لين صرت احلـف واعيـد


غلطتي والله بسيطة بس هو الـي مـا احتـوى=
يوم شاف الشوق فيني جمـرة(ن) حـرا تقيـد


ليـن عاتبنـي وزود فـي عتابـه وأرتــوى=
من دموعـي قلـت إنـه رح يسامحنـي اكيـد


يا رسول الشـوق قلـه إن قلبـي مـا حـوى=
غيـر حبـه وإحترامـه يسكـن بقلبـي فريـد


يا رسول الشوق قله لو دنـا المـوت وطـوى=
ما لجسمي غيـر قلبـه قبـر يطوينـي وحيـد


يا رسول الشـوق قلـه بعـد قلبـي مـا روى=
من زلاله كيف يرفض شوفتـي واليـوم عيـد


يا رسول الشـوق قلـه هدنـي طـول النـوى=
والأمل هي شوفته لو كان لـي عنـده رصيـد


يا رسول الشوق قلـه إن قلبـي مـا أغتـوى=
من عرفته هو مناتـي وكـل مـا قلبـي يريـد


يا رسول الشوق تدري والضبا ما هـن سـوى=
ضبـي متفـرد بحسنـه والعـذارى لـه عبيـد


ذاك غير الكـل عنـدي بـس لـو مـره زوى=
عـذب القلـب المعنـى بالثقـل وأقـول زيـد


كامل(ن) والكامل الله ولو باقـول إنـه خـوى=
من عيوب أفراد جيله قلـت بـس إنـه عنيـد


يا رسول الشوق قلـي عـاد لـي عنـدك دوى=
ولا انا بارحل واباعلن موتـة القلـب الشهيـد

***

مع حبي وتقديري